យោងតាមការចេញផ្សាយដោយ រ៉យទ័រ នាថ្ងៃទី២៤ ឧសភា នេះ អភិបាលក្រុង គៀវ បាននិយាយថា រុស្ស៊ីបានវាយប្រហាររដ្ឋធានី Kyiv នៅព្រឹកថ្ងៃសៅរ៍ ទី២៤ ខែឧសភា ដោយយន្តហោះគ្មានមនុស្សបើក និងគ្រាប់មីស៊ីល បង្កឲ្យមានភ្លើងឆេះ កម្ទេចកំទេចកំទីនៅតាមសង្កាត់នានាទូទាំងទីក្រុង និងបណ្តាលឲ្យមនុស្សយ៉ាងតិច ៨នាក់រងរបួស។

យោងតាមសាក្សី នៅក្នុងហេតុការណ៍ បានឃើញ និងបានឮរលកសំឡេងជាបន្តបន្ទាប់នៃយន្តហោះគ្មានមនុស្សបើកហោះពីលើទីក្រុង Kyiv ហើយការផ្ទុះជាបន្តបន្ទាប់បានកក្រើកទីក្រុង។ 

អភិបាលក្រុង Vitali Klitschko បាននិយាយថា អ្នកស្រុកពីរនាក់បានបញ្ជូនទៅព្យាបាលនៅមន្ទីរពេទ្យ។ 

អភិបាលក្រុងរូបនេះបានបន្តថា បំណែកនៃយន្តហោះគ្មានមនុស្សបើកមួយបានវាយប្រហារជាន់ខាងលើនៃអគារផ្ទះល្វែងមួយខ្នង នៅក្នុងសង្កាត់ Solomynskyi នៅឯច្រាំងខាងលិចនៃទន្លេ Dnipro ដែលជាផ្លូវបែកជាពីរនៃទីក្រុង។ 

បន្ថែមពីនេះ លោក Timur Tkachenko ប្រធានរដ្ឋបាលយោធានៃទីក្រុង Kyiv ក៏បាននិយាយដែរថា ក្នុងការវាយប្រហារនោះក៏បណ្ដាលឲ្យអគ្គីភ័យឆាបឆេះនៅជាន់ចំនួនពីរនៃអគារផ្ទះល្វែងមួយនៅក្នុងស្រុក Dniprovskyi ទល់មុខធនាគារផងដែរ។ 

លើសពីនេះ ក្រុមមន្ត្រីក៏បានរាយការណ៍ផងដែរអំពីអគ្គីភ័យនៅក្នុងទីក្រុង Obolon នៅជាយក្រុងភាគខាងជើងនៃទីក្រុង និងកំទេចកំទីដែលបានធ្លាក់ចុះនៅលើមជ្ឈមណ្ឌលផ្សារទំនើបមួយក្នុងតំបន់ដូចគ្នា។

គួរបញ្ជាក់ថា រុស្ស៊ីបានបើកការវាយប្រហារពេញមួយយប់លើទីក្រុង គៀវ បន្ទាប់ពីមានការរំលងជាច្រើនថ្ងៃនៃការវាយប្រហារដោយយន្តហោះគ្មានមនុស្សបើករបស់អ៊ុយក្រែន។

ដោយការវាយប្រហាររបស់អ៊ុយក្រែនក្នុងប្រទេសរុស្ស៊ីប្រហែល 800 គោលដៅ រួមទាំងរដ្ឋធានីម៉ូស្គូផងដែរ៕