នាយករដ្ឋមន្ត្រីប៉ាគីស្ថានលោក Shehbaz Sharif បានប្តេជ្ញានឹងធ្វើការឆ្លើយតបទៅកាន់ឥណ្ឌាវិញជុំវិញនៃការវាយប្រហាររបស់ឥណ្ឌានៅក្នុងប្រទេសប៉ាគីស្ថាន និងតំបន់ Kashmir ដែលគ្រប់គ្រងដោយប៉ាគីស្ថាន ដែលបានធ្វើឡើងកាលពីព្រឹកព្រលឹមថ្ងៃពុធ ម្សិលមិញនេះ (ម៉ោងក្នុងស្រុក)។

យើងនៅមិនទាន់ដឹងទេថា ប៉ាគីស្ថាននឹងធ្វើការឆ្លើយតបបែបណាទៅកាន់ឥណ្ឌា ហើយថា តើប្រទេសទាំងពីរអាចរកច្រកចេញរវាងគ្នាបានទេ ឬត្រូវជាប់គាំងក្នុងការប្រឈមមុខដាក់គ្នាកាន់តែខ្លាំងឡើង?

ចំពោះជម្រើសទីមួយសម្រាប់ប៉ាគីស្ថានគឺទាមទារជ័យជម្នះ ដោយចង្អុលទៅយន្តហោះដែលខ្លួនអះអាងថាបានធ្លាក់។ ជម្រើសនេះអាស្រ័យទៅលើការពិតនៃការអះអាងរបស់ប្រទេសប៉ាគីស្ថានដែលថា ខ្លួនបានបាញ់ទម្លាក់យន្តហោះរបស់កងទ័ពអាកាសឥណ្ឌាចំនួនប្រាំគ្រឿង រួមទាំងយន្តហោះចម្បាំង Rafale ដែលផលិតដោយបារាំងចំនួនបីគ្រឿងទៀតផងដែរ។

រីឯជម្រើសទីពីរគឺធ្វើកូដកម្មដោយខ្លួនឯង។ ប៉ាគីស្ថានប្រហែលជាសម្រេចចិត្តថាខ្លួនចង់ ឆ្លើយតបទៅឥណ្ឌាវិញដោយចិត្តត្រជាក់ឬយ៉ាងណា ដោយសារតែការវាយប្រហារមួយចំនួនរបស់ឥណ្ឌាបានវាយប្រហារខេត្ត Punjab ដែលមានប្រជាជនច្រើននៅក្នុងប្រទេសប៉ាគីស្ថាន នេះបើតាមលោក Tanvi Madan អ្នកជំនាញជាន់ខ្ពស់ក្នុងកម្មវិធីគោលនយោបាយការបរទេសនៅវិទ្យាស្ថាន Brookings បានបញ្ជាក់៕