ភ្នំពេញ៖ គិតត្រឹមម៉ោង០៧ព្រឹក ថ្ងៃសុក្រ ទី២៩ ខែសីហា ឆ្នាំ២០២៥ កងកម្លាំងយោធាកម្ពុជា ពួកគេត្រូវបានឃុំខ្លួនអស់រយៈពេលពេល៣០ថ្ងៃ ២៣ម៉ោង និង១០នាទី បន្ទាប់កម្លាំងយោធាថៃ ចាប់ខ្លួនពួកគេដោយខុសច្បាប់ពន្ទាប់កិច្ចព្រមព្រៀងបទឈប់បាញ់ចូលជាធរមាន។

ឧត្តមសេនីយ៍ឯក ម៉ាលី សុជាតា អនុរដ្ឋលេខាធិការ និងជាអ្នកនាំពាក្យក្រសួងការពារជាតិ បានថ្លែងបែបនេះ ក្នុងសន្និសីទសារព័ត៌មានប្រចាំថ្ងៃ ស្តីពី «លទ្ធផលនៃការអនុវត្តបទឈប់បាញ់រវាងកម្ពុជា-ថៃ» នៅព្រឹកថ្ងៃសុក្រ ទី២៩ ខែសីហា ឆ្នាំ២០២៥ នៅទីស្តីការគណៈរដ្ឋមន្ត្រី។

អ្នកនាំពាក្យក្រសួងការពារជាតិ បានថ្លែងថា កម្ពុជាបន្តអំពាវនាវដល់ភាគីថៃ ឱ្យអនុវត្តកិច្ចព្រមព្រៀងបទឈប់បាញ់ដែលបានឯកភាពគ្នា កាលពីថ្ងៃទី២៨ ខែកក្កដា ឆ្នាំ២០២៥ ក៏ដូចជាកំណត់ហេតុដែលបានព្រមព្រៀងគ្នាចំនួន ១៣ ចំណុច ដែលបានអនុម័តក្នុងកិច្ចប្រជុំវិសាមញ្ញនៃគណៈកម្មាធិការព្រំដែនទូទៅកម្ពុជា-ថៃ (GBC) កាលពីថ្ងៃទី០៧ ខែសីហា ឆ្នាំ២០២៥ និងបញ្ជូនបុគ្គលិកយោធារបស់កម្ពុជា ចំនួន ១៨រូប មកកម្ពុជាវិញ ដើម្បីពួកគេអាចជួបជុំក្រុមគ្រួសាររបស់ពួកគេដែលបានរង់ចាំទាំងថ្ងៃទាំងយប់ចំពោះការវិលត្រឡប់របស់ពួកគេ។

ឧត្តមសេនីយ៍ឯក ម៉ាលី សុជាតា គួរកត់សម្គាល់ផងដែរថា ទាហានថៃបានចាប់ទាហានកម្ពុជាទាំងនេះដោយខុសច្បាប់ភ្លាមៗបន្ទាប់ពីបទឈប់បាញ់បានចូលជាធរមាននៅព្រឹកថ្ងៃទី២៩ ខែកក្កដា ឆ្នាំ២០២៥ គិតត្រឹមម៉ោង០៧ព្រឹក ថ្ងៃទី២៩ ខែសីហា ឆ្នាំ២០២៥ ការឃុំខ្លួនពួកគេមានរយៈពេល ៣០ថ្ងៃ ២៣ម៉ោង និង១០នាទី៕