កាលពីថ្ងៃទី៣០ ខែឧសភា ម្សិលមិញនេះ ឯកអគ្គរាជទូតរបស់អង្គការសហប្រជាជាតិរុស្ស៊ីបាននិយាយថា រុស្ស៊ីបានត្រៀមខ្លួនដើម្បីពិចារណាលើបទឈប់បាញ់នៅអ៊ុយក្រែន ដើម្បីត្រួសត្រាយផ្លូវសម្រាប់ដំណោះស្រាយយូរអង្វែង ប៉ុន្តែក្នុងអំឡុងពេលមានបទឈប់បាញ់ណាមួយ ទីក្រុងមូស្គូចង់ឱ្យរដ្ឋលោកខាងលិចបញ្ឈប់ការផ្ដល់អាវុធដល់ទីក្រុង Kyiv ដើម្បីឲ្យអ៊ុយក្រែនបញ្ឈប់ការចល័តទ័ព។

យ៉ាងណាវិញ លោក Vasily Nebenzia បានប្រាប់ក្រុមប្រឹក្សាសន្តិសុខអង្គការសហប្រជាជាតិថា បទឈប់បាញ់សាមញ្ញមួយគឺមិនគ្រប់គ្រាន់ដើម្បីបញ្ចប់សង្គ្រាមជាងបីឆ្នាំរបស់ទីក្រុងម៉ូស្គូនៅអ៊ុយក្រែននោះទេ។ 

ដោយ លោក Nebenzia បាននិយាយថា "ដើម្បីសម្រេចបាននូវដំណោះស្រាយប្រកបដោយនិរន្តរភាព និងយូរអង្វែងនៃវិបត្តិអ៊ុយក្រែន យើងត្រូវដោះស្រាយមូលហេតុឫសគល់របស់វា" ។ "អ្វីដែលយើងកំពុងស្នើសុំគឺការចរចាជុំទីពីរនៅទីក្រុងអ៊ីស្តង់ប៊ុលនៅថ្ងៃចន្ទខាងមុខនេះ... ដែលយើងអាចផ្លាស់ប្តូរអនុស្សរណៈអំពីវិធីសាស្រ្តរបស់ភាគីទាំងពីរចំពោះដំណើរការចរចា"។

ទោះបីជាយ៉ាងណាក៏ដោយ សហរដ្ឋអាមេរិកចង់ឲ្យរុស្ស៊ីយល់ព្រមលើបទឈប់បាញ់លើផ្លូវគោក ផ្លូវអាកាស សមុទ្រ និងហេដ្ឋារចនាសម្ព័ន្ធសំខាន់ៗរយៈពេល ៣០ ថ្ងៃដ៏ទូលំទូលាយជាមួយអ៊ុយក្រែន។ 

ដោយសារតែជុំទីមួយនៃកិច្ចចរចាផ្ទាល់រវាងរុស្ស៊ី និងអ៊ុយក្រែនកាលពីថ្ងៃទី ១៦ ឧសភា កន្លងទៅ បានបរាជ័យក្នុងការទទួលបានកិច្ចព្រមព្រៀងបទឈប់បាញ់៕