អាមេរិកបានគាំទ្ររុស្ស៊ីពីរដងក្នុងការបោះឆ្នោតនៅអង្គការសហប្រជាជាតិ ដើម្បីប្រារព្ធខួបលើកទីបីនៃការឈ្លានពានរបស់រុស្ស៊ីលើអ៊ុយក្រែន ដោយគូសបញ្ជាក់ពីការផ្លាស់ប្តូរជំហររបស់រដ្ឋបាល Trump ចំពោះសង្រ្គាម។

ទីមួយ ប្រទេសទាំងពីរបានជំទាស់នឹងសេចក្តីសម្រេចដែលព្រាងដោយអឺរ៉ុប ក្នុងការថ្កោលទោសសកម្មភាពរបស់ទីក្រុងម៉ូស្គូ និងគាំទ្របូរណភាពទឹកដីរបស់អ៊ុយក្រែនដែលត្រូវបានអនុម័តដោយមហាសន្និបាតអង្គការសហប្រជាជាតិ (UNGA) នៅទីក្រុងញូវយ៉ក។ 

បន្ទាប់មក ពួកគេបានគាំទ្រដំណោះស្រាយព្រាងដោយសហរដ្ឋអាមេរិកនៅឯក្រុមប្រឹក្សាសន្តិសុខអង្គការសហប្រជាជាតិដែលអំពាវនាវឱ្យបញ្ចប់ជម្លោះនេះ ប៉ុន្តែមិនមានការរិះគន់រុស្ស៊ីនោះទេ។

សេចក្តីសម្រេចរបស់ក្រុមប្រឹក្សាសន្តិសុខត្រូវបានអនុម័ត ប៉ុន្តែសម្ព័ន្ធមិត្តសំខាន់ពីររបស់សហរដ្ឋអាមេរិក គឺចក្រភពអង់គ្លេស និងបារាំង បានអនុគ្រោះក្នុងការបោះឆ្នោតបន្ទាប់ពីការប៉ុនប៉ងរបស់ពួកគេដើម្បីកែប្រែពាក្យនេះត្រូវបានវេតូ (សិទ្ធបដិសេធជាផ្លូវការក្នុងការពុំយល់ព្រមឬពុំទទួលយកអ្វីមួយ)។

ចំណែកឯអ្នកការទូតអ៊ឺរ៉ុបបានដាក់តារាងអត្ថបទលម្អិតបន្ថែមទៀត ដោយបន្ទោសរុស្ស៊ីចំពោះការលុកលុយពេញលក្ខណៈរបស់ខ្លួន និងគាំទ្រអធិបតេយ្យភាពនិងបូរណភាពទឹកដីរបស់អ៊ុយក្រែន។

សមាជិក UNGA បានគាំទ្រសេចក្តីសម្រេចរបស់អឺរ៉ុបដោយទទួលបាន 93 សម្លេង ហើយជាវិសាមញ្ញសហរដ្ឋអាមេរិកមិនបានបដិសេធនោះទេ ប៉ុន្តែមានប្រទេសមួយចំនួនដែលបានប្រឆាំងនឹងការសម្រេចរបស់សមាជិក UNGA ដែលរួមជាមួយនឹងប្រទេសរុស្ស៊ី អ៊ីស្រាអែល កូរ៉េខាងជើង ស៊ូដង់ បេឡារុស្ស ហុងគ្រី និងរដ្ឋចំនួន 11 ផ្សេងទៀត។

ក្នុងនោះ UNGA ក៏បានអនុម័តសេចក្តីសម្រេចរបស់សហរដ្ឋអាមេរិកផងដែរ ប៉ុន្តែបន្ទាប់ពីត្រូវបានធ្វើវិសោធនកម្មដើម្បីរួមបញ្ចូលភាសាដែលគាំទ្រដល់ប្រទេសអ៊ុយក្រែន បាននាំឱ្យសហរដ្ឋអាមេរិកមិនព្រមអនុគ្រោះ។