បាល់ទាត់៖ គួររម្លឹកថា កាលពីម្សិលមិញ មានរាជធានី/ខេត្តចំនួន៨ ដែលបានប្រកាសរៀបចំផ្ទាំង LED ដើម្បីផ្សាយបន្តផ្ទាល់។ ជាក់ស្ដែង គិតត្រឹមម៉ោង២រសៀល ថ្ងៃទី១០ ខែឧសភា នេះ យ៉ាងហោចណាស់មានរាជធានី/ខេត្តចំនួន១៥ ដែលបានប្រកាសរៀបចំផ្ទាំង LED ដើម្បីផ្សាយបន្តផ្ទាល់ការប្រកួតវគ្គផ្តាច់ព្រ័ត្រពានរង្វាន់លំដាប់ទី3ទ្វីបអាស៊ី 2024-2025 រវាងក្លឹបព្រះខ័នរាជស្វាយរៀង ប្រកួតជាមួយក្លឹប FK Arkadag នៅម៉ោង៧យប់ នេះ ផ្សាយបន្តផ្ទាល់ពីពហុកីឡដ្ឋានជាតិមរតកតេជោ ។

ខាងក្រោមនេះចំនួនរាជធានី និងខេត្តចំនួន១៥ ដែលរៀបចំស្លាយបន្តផ្ទាល់៖

១.រាជធានីភ្នំពេញ, ២. ខេត្តស្វាយរៀង,​ ៣. ខេត្តសៀមរាប, ៤. ខេត្តស្ទឹងត្រែង, ៥. ពោលធិ៍សាត់, ៦. កំពង់ចាម, ៧. ខេត្តព្រៃវែង, ៨. ខេត្តប៉ៃលិន, ៩. កំពង់ស្ពឺ, ១០. ខេត្តកែប, ១១. កំពង់ធំ, ១២. ខេត្តេតនគិរី, ១៣. ខេត្តមណ្ឌលគិរី, ១៤. ខេត្កកំពត, និងទី១៥ ខេត្តព្រះសីហនុ ។

ជាមួយគ្នានេះ កីឡាករកូនកាត់ខ្មែរ-អាមេរិក ថេឡូរ នីកូឡាស់ ឌឿ ឬ​ Nick Taylor ម្ចាស់អាវលេខ១១ ខ្សែបម្រើប្រយុទ្ធឆ្នើមក្លិបព្រះខ័នរាជស្វាយរៀង ក្រោយបានរៀបអាពាហ៍ពិពាហ៍ជាមួយតារាចម្រៀងស្រីដ៏ល្បី រ៉ាប៊ី ដោយរលូលហើយនោះ ឃើញថា រូបគេក៏បានធ្វើដំណើរមកដល់ពហុកីឡាដ្ឋានមរតកតេជោ ដើម្បីត្រៀមចូលរួមប្រយុទ្ធលើសម៉រភូមិវាលស្មៅបៃតងខៀវខ្ចីនារាត្រីនេះដែរ។

ការណ៍នេះគឺជាដំណឹងដ៏ល្អ និងមានក្ដីរំភើបបំផុតសម្រាប់អ្នកគាំទ្របាល់ទាត់នៅកម្ពុជា ពីព្រោះថា ថេឡូរ នីកូឡាស់ ឌឿ ឬ​ Nick Taylor គឺជាចំណែកនៃម៉ាស៊ីនរកគ្រាប់បាល់មួយយ៉ាងសំខាន់ក្នុងការជួួឲ្យក្រុមទទួលបានជោគជ័យនាយប់នេះ​ ដែលមិនអាចខ្វះម្នាក់ណាបានឡើយ។

សូមកុំភ្លេច គាំទ្រកីឡាបាល់ទាត់កម្ពុជានៅវេលាម៉ោង៧យប់នេះ ទាំងអស់គ្នាណា...! ៕