ថៃ៖  ថៃនៅតែបន្តបង្កើតជាបញ្ហាជាហូរហែរ  និងគឃ្លើនដ៏ដែលដូចជា៖ ដោយយកបន្លាលួសមករាយហ៊ុមព័ន្ធរំលោភលើអធិបតេយ្យភាពរបស់កម្ពុជា និងផ្ទះប្រជាពលរដ្ឋខ្មែរ នៅតំបន់អូជ្រៅ ខេត្តបន្ទាយមានជ័យ   ទោះបីជាបទឈប់បាញ់ចូលជាធរមាន នៅវេលាម៉ោង២៤៖០០នាទី រំលងអាធ្រាតថ្ងៃទី២៨ កក្កដា ២០២៥ និងកិច្ចព្រមព្រៀងគណៈកម្មាធិការកិច្ចការព្រំដែនទូទៅ ( GBC )  ដែលធ្វើឡើងនៅប្រទេសម៉ាឡេស៊ី នៅថ្ងៃទី០៧ សីហា ២០២៥  ក៍ដោយ តែថៃមិនញញើតនោះឡើយ ថែមទាំងបន្តលាបពណ៌ និងបៀមឈាមព្រួសដាក់កម្ពុជាបន្ថែមទៀត គ្មានភាពថ្លៃថ្នូរបន្តិចសោះឡើយ សៀម ។ 

ជាក់ស្ដែងថ្ងៃនេះការសែតថៃ Khaosod បានចេញផ្សាយថា៖ អ្នកនាំពាក្យកងយោធពលខេមរភូមិន្ទថៃ បានរិះគន់កម្ពុជា ថាបានប្រើប្រាស់ប្រជាជនពលរដ្ឋ រំលោភលើអធិបតេយ្យភាពថៃ នៅតំបន់បានណងចាន់ ជាតំបន់ជនភៀសខ្លួនខ្មែរក្រហម ហើយ បដិសេធមិនផ្លាស់ប្តូរទីលំនៅ និងពង្រីកសហគមន៍រំលោភលើ MOU 2000 ។  ទោះបីជាមានការតវ៉ាពីថៃក៏ដោយ ក៏រដ្ឋាភិបាលនៅស្ងៀម។

កាលពីថ្ងៃទី១៨ ខែសីហា ឆ្នាំ២០២៥ លោកឧត្តមសេនីយ៍ទោ Winthai Suvari អ្នកនាំពាក្យកងយោធពលខេមរភូមិន្ទថៃ  បានបង្ហើបថា ប្រជាពលរដ្ឋខ្មែរបានត្អូញត្អែរអំពីការដំឡើងរបងលួសបន្លាដោយទាហានថៃនៅតំបន់ Ban Nong Chan ខេត្តស្រះកែវ ដោយអះអាងថាតំបន់នោះជាទឹកដីរបស់ពួកគេ។ តំបន់នេះពិតជាទឹកដីថៃ ស្ថិតក្នុងភូមិបានណងចាន់ ឃុំណនម៉ាក់មួន ស្រុកខក់ស៊ុង ខេត្តស្រះកែវ ជាប់ព្រំដែនកម្ពុជា-ថៃ ចន្លោះបង្គោលព្រំដែនលេខ៤៦ និង៤៧។ តំបន់នេះជាតំបន់ជម្លោះចែកចេញជាពីរផ្នែក៖ នេះជាតំបន់ទាមទារដែលថៃ និងកម្ពុជា មិនអាចឈានដល់កិច្ចព្រមព្រៀងស្តីពីទីតាំងបោះបង្គោលព្រំដែន ដោយសារកម្ពុជាអះអាងថា បង្គោលព្រំដែនបច្ចុប្បន្នត្រូវបានផ្លាស់ប្តូរទៅក្នុងទឹកដីរបស់ខ្លួន។ ដូច្នេះ យន្តការទ្វេភាគីដូចជា JBC ត្រូវតែពឹងផ្អែកលើការដោះស្រាយបញ្ហានេះក្នុងរយៈពេលវែង។

កាលពីអតីតកាល ក្នុងអំឡុងសង្គ្រាមស៊ីវិលឆ្នាំ ១៩៧៧ នៅកម្ពុជា រដ្ឋាភិបាលថៃនៅពេលនោះបានអនុញ្ញាតឱ្យពលរដ្ឋកម្ពុជាទៅជ្រកកោនក្នុងប្រទេសថៃជាបណ្តោះអាសន្ន ដើម្បីបង្ហាញពីទឹកចិត្តសប្បុរស និងមនុស្សធម៌។ យ៉ាងណាក៏ដោយ បន្ទាប់ពីស្ថានការណ៍វិលមករកភាពប្រក្រតីវិញ ពលរដ្ឋខ្មែរមួយចំនួនមិនព្រមត្រឡប់ទៅប្រទេសវិញ ហើយបន្តនៅក្នុងទឹកដីថៃ។

លោកឧត្តមសេនីយ៍ទោ Winthai Suvari បន្តថាការរាយរបងបន្លាលួស នៅតំបន់ផ្សេងៗព្រំដែនកម្ពុជា-ថៃ មិនបានកំណត់ព្រំដែននោះទេ។ គ្រាន់តែពួកគេការពារការចូលខុសច្បាប់ និងការប្រើប្រាស់គ្រាប់មីន ដើម្បីបង្កគ្រោះថ្នាក់ដល់ភាគីថៃ និងដើម្បីបង្កើនសន្តិសុខរបស់អង្គភាពយោធា ។

អ្នកនាំពាក្យកងទ័ពថៃបានបញ្ជាក់បន្ថែមថា ទាក់ទងនឹងបញ្ហាបច្ចុប្បន្ន កម្ពុជាមានចេតនាមិនបរិសុទ្ធ ប៉ុនប៉ងប្រើប្រាស់ប្រជាជន ដើម្បីដឹកនាំការឈ្លានពានអធិបតេយ្យភាពរបស់ប្រទេសថៃ នៅក្នុងតំបន់ ដែលអាចជៀសវាងការប្រឈមមុខដាក់គ្នាដោយផ្ទាល់ជាមួយយោធា។

អ្នកនាំពាក្យកងទ័ពថៃរូបនេះបន្តថា សកម្មភាពហាក់ដូចជាត្រូវបានគ្រោងទុកជាប្រព័ន្ធ ដោយភាគីថៃតាមដានស្ថានការណ៍ ដើម្បីធានាថា រាល់សកម្មភាពរបស់ភាគីថៃនឹងត្រូវបំភ្លៃ និងបំបាក់មុខ ស្វែងរកការអាណិតអាសូរពីអន្តរជាតិ ដូចករណីបច្ចុប្បន្ន។

ដូច្នេះហើយ យើងសូមជំរុញឱ្យអ្នកគ្រប់គ្នាជួយទំនាក់ទំនងទៅកាន់សហគមន៍អន្តរជាតិនូវការពិត៖ ជំនួយមនុស្សធម៌របស់ប្រទេសថៃ រួមទាំងការបង្ហាញពីចិត្តសប្បុរសចំពោះប្រទេសជិតខាងរបស់ខ្លួនកន្លងមក មិនគួរត្រូវបានបង្ខូចកេរ្តិ៍ឈ្មោះដោយកម្ពុជា ដើម្បីបង្ខូចកេរ្តិ៍ឈ្មោះប្រទេសថៃដោយអយុត្តិធម៌នោះទេ។  

ក្រោយស្ដាប់ការលើកឡើងរបស់អ្នកនាំពាក្យរូបនេះ ពិតជាគួរឲ្យអស់សំណើរទៅវិញទេ ព្រោះស្ដាប់ហើយហាកបីដូចជាមានទេព្យកោសល្យផ្នែកសិល្បៈនៃការសម្ដែងខ្លាំងណាស់  ព្រោះអីដើរតួរតំសកសមម្ល៉ះទេ លោកឧត្តមសេនីយ៍ទោ Winthai Suvari អើយ គួរតែប្តូរជាអាជីបហើយទេដឹង។