បើយោងទៅតាមរបាយការណ៍ថ្មីមួយ ដែលត្រូវបានសម្របសម្រួលដោយសាកលវិទ្យាល័យ Glasgow និងត្រូវបានចាត់តាំងដោយអង្គការសុខភាពពិភពលោកបានឲ្យដឹងថា ការជក់បារី ឥឡូវនេះគឺជារឿងធម្មតាទៅហើយ នៅក្នុងចំណោមមនុស្សវ័យក្មេង។
នេះជាការស្រាវជ្រាវ ដែលបានរកឃើញថាប្រជាប្រិយភាពនៃការជក់បារី ក្នុងចំណោមយុវវ័យនៅចក្រភពអង់គ្លេស បានកើនឡើងក្នុងរយៈពេលប៉ុន្មានឆ្នាំចុងក្រោយនេះ។
យោងតាមការស្ទង់មតិដែលបានធ្វើឡើងដោយអង្គការសប្បុរសធម៌ ប្រឆាំងនឹងការជក់បារី Ash បានឲ្យដឹងថា ចំនួនកុមារដែលត្រូវបានពិសោធន៍ជាមួយ vapes បានកើនឡើងពី ៧.៧ ភាគរយ (7.7%) ក្នុងឆ្នាំ ២០២២ ដល់ ១១.៦ ភាគរយ (11.6%) ក្នុងឆ្នាំ ២០២៣។
ភាគច្រើននៃយុវ័យទាំងនេះ ចង់សាកល្បង vapes ដោយភាគច្រើនពួកគេបានដឹងដោយសារតែការផ្សព្វផ្សាយ vapes នៅក្នុងហាង តាមអ៊ីនធឺណេត និងការលើកទឹកចិត្តផ្សេងទៀតសម្រាប់ការប្រើប្រាស់ vapes ដែលរួមមានដូចជា ការទទួលបាននូវភាពងាយស្រួលនៃការទទួលបានរសជាតិ (មនុស្សវ័យក្មេងត្រូវបានទាក់ទាញ ជាពិសេសចំពោះរសជាតិផ្លែឈើ ឬបង្អែម) និងធ្វើឲ្យពួកគេគិតថាវាងាយស្រួលក្នុងការទំនាក់ទំនងជាមួយនឹងមិត្តភក្តិរបស់ពួកគេ។
ប៉ុន្តែទន្ទឹមនឹងនោះ ពួកគេមិនបានដឹងទេថា ការជក់បារីអេឡិចត្រូនិចក៏អាចបង្កើននូវហានិភ័យជាច្រើន ចំពោះពួកគេផងដែរ ដែលរួមមានគ្រោះថ្នាក់ទៅដល់សួតក៏ដូចជាខួរក្បាលជាដើម។
ជាតិនីកូទីន ដែលមាននៅក្នុង vapes ធ្វើឲ្យប៉ះពាល់ទៅដល់ក្មេងជំទង់ខុសពីមនុស្សពេញវ័យដោយសារតែខួរក្បាលរបស់ពួកគេងាយនឹងទទួលឥទ្ធិពលអាក្រក់ពីជាតិនីកូទីននេះខ្លាំង។
ជាតិនីកូទីន អាចមានឥទ្ធិពលយូរអង្វែងទៅលើខួរក្បាលក្មេងវ័យជំទង់។ ព្រោះថាផលប៉ះពាល់នៃជាតិនីកូទីន អាចធ្វើឲ្យប៉ះពាល់ទៅដល់សមត្ថភាពនៃការសិក្សា និងការផ្ដោតអារម្មណ៍របស់មនុស្សវ័យក្មេង ហើយអាចធ្វើឲ្យពួកគេពិបាកនៅក្នុងការគ្រប់គ្រងអារម្មណ៍របស់ខ្លួនឯង នៅពេលដែលពួកគេឈានទៅដល់ពេលពេញវ័យបានថែមទៀតផង។
សូម្បីតែជាតិនីកូទីន ក្នុងបរិមាណតិចតួចក៏អាចជាការប្រថុយប្រថានសម្រាប់ក្មេងជំទង់ ដែលងាយនឹងបណ្ដាលឲ្យពួកគេងាយនឹងកើតជំងឺហឺត ដែលធ្វើឲ្យពួកគេងាយនឹងស្រ្តេស និងអាចបង្កឲ្យមានបញ្ហាផ្លូវអារម្មណ៍នៅពេលក្រោយក្នុងជីវិតរបស់ពួកគេទៀតផង។
ហើយចំពោះ យុវជនដែលមានវ័យចាប់ពី ២០ ទៅ ៣០ ឆ្នាំ ដែលមានទម្លាប់ជក់បារីអេឡិចត្រូនិច (vapes) ជាញឹកញាប់នោះ ទំនងជាពួកគេត្រូវបានប្រឈមទៅនឹងហានិភ័យខ្ពស់ ជាពិសេសនោះគឺអាចបង្កឲ្យកើតមាននូវជំងឺបេះដូង ហើយមូលហេតុទាំងនេះក៏ព្រោះតែ ការជក់នូវបារីអេឡិចត្រូនិច (vapes) នេះអាចធ្វើឲ្យមុខងារនៃសរសៃរឈាមដែលមាននៅក្នុងរាងកាយ មានការចុះខ្សោយគួរឲ្យកត់សម្គាល់ផងដែរ។
ប្រមុខការពារជាតិកម្ពុជា៖ «អ្នកឯងមិនមែនកងទ័ព មិននៅស្រុកខ្មែរផង កុំចេះតែនាំរឿងពេក នៅស្រុកគេបានសុខ នៅទៅ កុំរករឿងអ្នកនៅក្នុងស្រុក»
បុគ្គលម្នាក់ ក្លែងបន្លំជាកងទ័ពនៅព្រំដែន ប្រឌិតព័ត៌មានក្លែងក្លាយបង្ហោះលើបណ្តាញសង្គម ដើម្បីបំពុលសង្គមនោះ មានតួនាទី ជា «ប្រធានបណ្តាញយុវជនកម្ពុជា» នៅប្រទេសថៃ
