ទីបញ្ជាការកណ្តាលសហរដ្ឋអាមេរិក (CENTCOM) បានប្រកាសបង្កើតកងកម្លាំងពិសេសថ្មីមួយឈ្មោះ «Scorpion Strike» នៅតំបន់មជ្ឈិមបូព៌ា ដើម្បីពង្រឹងសមត្ថភាពប្រតិបត្តិការពិសេស។ កងកម្លាំងនេះស្ថិតក្រោមបញ្ជាការប្រតិបត្តិការពិសេស (SOCCENT) និងមានបុគ្គលិកប្រហែលពីរទៅដប់នាក់ប៉ុណ្ណោះ។

កងកម្លាំង Scorpion Strike ត្រូវបានបំពាក់ដោយយន្តហោះគ្មានមនុស្សបើកប្រភេទ LUCAS kamikaze ដែលផលិតដោយក្រុមហ៊ុន SpektreWorks។ UAV LUCAS មានការរចនាស្រដៀងនឹងយន្តហោះគ្មានមនុស្សបើក Shahed-136/Geranium-2 របស់អ៊ីរ៉ង់ ហើយត្រូវបានបង្ហាញជាផ្លូវការដល់ក្រសួងការពារជាតិអាមេរិកក្នុងខែកក្កដា ឆ្នាំនេះ។

រហូតមកដល់ពេលនេះ UAV LUCAS មិនទាន់ត្រូវបានប្រើប្រាស់ក្នុងការប្រយុទ្ធពិតប្រាកដនៅឡើយទេ ដោយគ្រាន់តែប្រើសម្រាប់សាកល្បងប្រឆាំងគោលដៅនៅក្នុងតំបន់។ ទោះជាយ៉ាងណា ការបង្កើតកងកម្លាំង Scorpion Strike ត្រូវបានចាត់ទុកថា ជាជំហានសំខាន់ក្នុងការបង្ហាញពី ការចាប់អារម្មណ៍របស់យោធាសហរដ្ឋអាមេរិកលើ UAV kamikaze ដែលអាចប្រើប្រាស់ក្នុងបេសកកម្មពិសេស។

ថ្នាក់ដឹកនាំជាន់ខ្ពស់នៃកងទ័ព និងកងទ័ពអាកាសអាមេរិក បានបង្ហាញជាបន្តបន្ទាប់អំពីតម្រូវការសម្រាប់ UAV ប្រភេទនេះ ដើម្បីពង្រឹងសមត្ថភាពការពារជាតិ និងការប្រតិបត្តិការពិសេសក្នុងតំបន់មានភាពស្មុគស្មាញដូចជា មជ្ឈិមបូព៌ា។

កងកម្លាំង Scorpion Strike ជាការបង្ហាញពីការផ្លាស់ប្តូរយុទ្ធសាស្ត្ររបស់អាមេរិក ក្នុងការប្រើប្រាស់បច្ចេកវិទ្យា UAV kamikaze ដើម្បីទប់ស្កាត់គ្រោះថ្នាក់ និងពង្រឹងសមត្ថភាពប្រតិបត្តិការពិសេស៕