ចិនបង្ហាញការមិនពេញចិត្តចំពោះកម្ពុជា និងម៉ាឡេស៊ី ជុំវិញកិច្ចព្រមព្រៀងពាណិជ្ជកម្ម ជាមួយសហរដ្ឋអាមេរិកកាលពីខែតុលា នៅទីក្រុងកូឡាឡាំពួ។ ចិនបានបញ្ជាក់ថា កិច្ចព្រមព្រៀងនេះបង្ហាញពីស្ថានភាពព្រួយបារម្មណ៍ ក្នុងតំបន់ត្រូវប្រឈមមុខការប្រកួតប្រជែងឥទ្ធិពលរវាងទីក្រុងប៉េកាំង និងទីក្រុងវ៉ាស៊ីនតោន។ 

មន្រ្តីក្រសួងពាណិជ្ជកម្មចិនបានប្រកាសក្នុងការប្រជុំជាមួយភាគី កម្ពុជា និង ម៉ាឡេស៊ីកាលពីថ្ងៃអង្គារថា ទីក្រុងប៉េកាំងមាន «ការព្រួយបារម្ភយ៉ាងខ្លាំង» ចំពោះកិច្ចព្រមព្រៀងពាណិជ្ជកម្មរវាង កម្ពុជានិងម៉ាឡេស៊ី ជាមួយនិងសហរដ្ឋអាមេរិក។ ចិនសង្ឃឹមថា ម៉ាឡេស៊ី នឹងពិចារណាឱ្យពេញលេញ និងដោះស្រាយបញ្ហានេះឱ្យបានសមរម្យ គិតគូរពីផលប្រយោជន៍រយៈពេលវែងរបស់ប្រទេស»។ 

មន្រ្តីមកពីក្រសួងវិនិយោគ ពាណិជ្ជកម្ម និងឧស្សាហកម្មម៉ាឡេស៊ី បានឆ្លើយតបចំពោះការព្រួយបារម្ភនិងក្ដីកង្វល់របស់ចិន ប៉ុន្តែមិនត្រូវបានបង្ហាញជាផ្លូវការឡើយ។ កិច្ចប្រជុំនេះធ្វើឡើងបន្ទាប់ពីការជួបពិភាក្សាស្រដៀងគ្នានេះរវាងមន្ត្រីចិន និងកម្ពុជាកាលពីថ្ងៃអង្គារសប្តាហ៍មុន ជាកន្លែងដែលលោក Li Chenggang បេសកជនពាណិជ្ជកម្មចិន ក៏បានជំរុញឱ្យទីក្រុងភ្នំពេញដោះស្រាយកង្វល់នានា។ កិច្ចព្រមព្រៀងនេះ សហរដ្ឋអារិចបានលើកទឹកចិត្តឱ្យបណ្ដាប្រទេសចូលរួមធ្វើការជាមួយទីក្រុងវ៉ាស៊ីនតោន លើបញ្ហាសន្តិសុខជាតិ ការគ្រប់គ្រងការនាំចេញ ត្រួតពិនិត្យការវិនិយោគ និងវិធានការទណ្ឌកម្មផ្សេងៗទៀត។ 

ទីក្រុងប៉េកាំងបានព្រមានម្តងហើយម្តងទៀតដល់ប្រទេសនានា កុំឱ្យចុះហត្ថលេខាលើកិច្ចព្រមព្រៀងជាមួយសហរដ្ឋអាមេរិកដែលធ្វើឱ្យប៉ះពាល់ដល់ផលប្រយោជន៍ក្នុងតំបន់នេះបង្ហាញពីស្ថានភាពដែលពិបាករបស់ប្រទេសអាស៊ីអាគ្នេយ៍ ត្រូវដើរតាមមហាអំណាចសេដ្ឋកិច្ចធំៗរបស់ពិភពលោក។ ប្រទេសចិនជាដៃគូសេដ្ឋកិច្ច និងពាណិជ្ជកម្មសំខាន់មួយ ប៉ុន្តែការគំរាមពន្ធគយរបស់លោក Trump បានជំរុញឱ្យប្រទេសនានាចូលរួមបង្កើនកិច្ចព្រមព្រៀងពាណិជ្ជកម្ម និងវិនិយោគជាមួយសហរដ្ឋអាមេរិកកាន់តែច្រើន។

ការធ្វើពាណិជ្ជកម្មជាជាមួយអាមេរិក មិនមែនតែកម្ពុជា និងម៉ាឡេស៊ីប៉ុណ្ណោះទេ  ក្នុងនោះរួមមាន វៀតណាម និងថៃផង។ ខណៈដែលសហរដ្ឋអាមេរិកនិង លើកលែងពន្ធគយលើទំនិញទៅវិញទៅមកមួយចំនួនរបស់ម៉ាឡេស៊ី និងទម្លាក់ពន្ធគយមកត្រឹម19% តែប៉ុណ្ណោះ។ 

Blooberg ថាក្រោមកិច្ចព្រមព្រៀងនេះ ម៉ាឡេស៊ីត្រូវបានគេរំពឹងថានឹងអនុវត្តតាមការរឹតបន្តឹងពាណិជ្ជកម្មរបស់ទីក្រុងវ៉ាស៊ីនតោន លើប្រទេសនានាសម្រាប់ហេតុផលសេដ្ឋកិច្ច ឬសន្តិសុខជាតិ គ្រប់គ្រងការនាំចេញ និងទណ្ឌកម្មរបស់សហរដ្ឋអាមេរិកលើបច្ចេកវិទ្យាដែលងាយរងគ្រោះ និងការពារការគេចវេះពីទណ្ឌកម្មរបស់អាមរិក ។

ក្រសួងពាណិជ្ជកម្មម៉ាឡេស៊ី បានប្រាប់ Bloomberg ថា «ខ្លួនតែងតែបើកចំហចំពោះការពិភាក្សាអំពីបញ្ហាដែលមានការព្រួយបារម្ភរួម និងផលប្រយោជន៍ទៅវិញទៅមកជាមួយរដ្ឋាភិបាលដៃគូពាណិជ្ជកម្មរបស់ខ្លួន រួមទាំងប្រទេសចិន ដើម្បីលើកកម្ពស់បរិយាកាសពាណិជ្ជកម្មឱ្យមានសុវត្ថិភាព ផ្អែកលើច្បាប់ និងពង្រឹងកេរ្តិ៍ឈ្មោះរបស់យើងជាដៃគូខ្សែសង្វាក់ផ្គត់ផ្គង់ដែលអាចទុកចិត្តបាន»។

កម្ពុជា ត្រូវបានសហរដ្ឋអាមេរិក លុបចោលពន្ធទាំងអស់លើការនាំចូលអាហារ បន្លែផ្លែ ព្រមទាំងផលិតផលឧស្សាហកម្ម និងទម្លាក់ពន្ធគយមកត្រឹម 19%  ស្រដៀងគ្នាទៅនឹងប្រទេសម៉ាឡេស៊ីដែរ៕